مریدکے میں ن لیگی رہنما شیخ شبیر قاتلانہ حملے میں جاں بحق
شائع شدہ تاریخ 12 ستمبر, 2026
پولیس کےمطابق شیخ شبیر احمد جی ٹی روڈ پر مریدکے کے نزدیک اپنی فلور فیکٹری سے نکل کر لاہور اپنے گھر کی طرف کار پر جا رہے تھے کہ راستے میں گھات لگا کر بیٹھے ہوئے کار سوار ملزمان نے ان پر فائرنگ کر دی۔
پولیس کا کہنا ہے کہ فائرنگ کے نتیجے میں شیخ شبیر موقع پر ہلاک ہو گئے جبکہ نامعلوم افراد فائرنگ کر کے فرار ہو گئے۔
مقتول شیخ شبیر احمد کی لاش کو پوسٹ مارٹم کے لیے تحصیل ہیڈ کوارٹر اسپتال مرید کے منتقل کر دیا گیا ہے۔
پولیس کا کہنا ہے کہ ملزمان کو سی سی ٹی وی کیمروں کی مدد سےتلاش کیا جا رہا ہے۔
