پنجاب میں مون سون بارشوں کا نواں اور آخری اسپیل آج سے شروع ہونے کا امکان
شائع شدہ تاریخ 12 ستمبر, 2026
ترجمان پی ڈی ایم اے کے مطابق مون سون بارشوں کا نواں اور آخری اسپیل آج سے شروع ہوسکتا ہے جس کے تحت 12 سے 17 ستمبر تک صوبے کے بیشتر اضلاع میں بارشوں کاامکان ہے۔
ترجمان نے بتایاکہ راولپنڈی، جہلم، چکوال، تلہ گنگ اور اٹک میں بارش کی پیشگوئی ہے جب کہ لاہور، سیالکوٹ، شیخوپورہ، نارووال، منڈی بہاوالدین، گوجرانوالہ، گجرات، وزیرآباد، حافظ آباد، قصور، اوکاڑہ، ننکانہ صاحب ،سرگودھا،خوشاب اور نور پور تھل میں بھی بادل برس سکتے ہیں۔
اس کے علاوہ میانوالی، فیصل آباد، جھنگ، ٹوبہ ٹیک سنگھ، لیہ، بھکر، ساہیوال، ڈی جی خان اور ملتان میں بارش متوقع ہے جب کہ مری، گلیات اور پہاڑی علاقوں میں لینڈ سلائیڈنگ کا بھی خدشہ ہے۔
ڈی جی پی ڈی ایم اے کے مطابق راولپنڈی ، لاہور ، گوجرانوالا اور فیصل آباد میں اربن فلڈنگ کا خدشہ ہے۔
