سیلاب متاثرین کیلئے بڑا ریلیف، وزیراعظم نے مالی معاونت کا حکم دے دیا
شائع شدہ تاریخ 22 اگست, 2026
حالیہ بارشوں کی وجہ سے ہونے والے نقصانات سے متعلق اجلاس ہوا جس میں وزیراعظم کو مون سون کے اثرات اور امدادی کارروائیوں کی پیشرفت کےحوالے سے بریفنگ دی گئی۔
اس موقع پر شہباز شریف نے کہا کہ وفاقی وزراء اور سیکرٹریز متاثرہ علاقوں میں جاکر بحالی کا کام شروع کروائیں، متاثرین تک غذائی اشیاء اور امدادی سامان جلد از جلد پہنچایا جائے۔
اس کے علاوہ وزیر اعظم نے بارشوں اور سیلاب کی وجہ سے تباہ شدہ گھروں اور بنیادی ڈھانچے کی فوری بحالی اور امدادی کارروائیاں مزید تیز کرنے کی ہدایت کی جب کہ متاثرہ خاندانوں کی مالی معاونت کا حکم بھی دیا۔
