سابق بھارتی کپتان واحد قائد ہیں جنھوں نے 3 آئی سی سی ٹورنامنٹس اپنی ٹیم کو جتوائے نئی دہلی بھارتی کرکٹ ٹیم کے وکٹ کیپر بیٹسمین مہندرا سنگھ دھونی کا ورلڈکپ کے بعد انٹرنیشنل کرکٹ سے ریٹائر منٹ کا امکان ہے۔بھارتی میڈیا کے مطابق دھونی ورلڈکپ کے بعد انٹرنیشنل کرکٹ سے ریٹائر ہوسکتے ہیں، دھونی ورلڈکپ میں انگلینڈ کیخلاف سلو بیٹنگ کی وجہ سے تنقید کی زد میں ہیں۔دھونی نے ورلڈ کپ میں انگلینڈ کیخلاف آخری اوورز میں سلو بیٹنگ کی تھی جس کی وجہ سے ان دنوں وہ شدید تنقید کی زد میں ہیں اور انگلینڈ کےخلاف شکست کے بعد سابق کھلاڑیوں نے دھونی کو ذمہ دار ٹھہرایا ہے۔یاد رہے کہ37 سالہ دھونی ٹیسٹ کرکٹ سے دسمبر 2014ءمیں ریٹائر ہوچکے ہیں اور اب امکان ہے کہ ورلڈکپ کے بعد وہ ون ڈے اور ٹی ٹونٹی سے بھی ریٹائر ہوجائیں گے۔دھونی نے بھارت کی جانب سے 90 ٹیسٹ، 348 ون ڈے اور98 ٹی ٹونٹی کھیلے ،انہوں نے ون ڈے میں50.58 کی اوسط سے 10723 رنز بنائے جب کہ ٹیسٹ میں 38.09 کی اوسط سے 4876 رنز اور اور ٹی ٹونٹی میں 37.60کی اوسط سے 1617 رنز سکور کر چکے ہیں۔بھارتی کپتان مہندرا سنگھ دھونی دنیا کے واحد کپتان ہیں جنھوں نے 3آئی سی سی ٹورنامنٹس اپنی ٹیم کو جتوائے ہیں، دھونی کی کپتانی میں بھارت نے 2007ءکا ٹی ٹونٹیورلڈکپ، 2011 ءکا 50 اوورز ورلڈکپ اور 2013 ءکی چیمپئنز ٹرافی اپنے نام کی تھی۔