ایشیا کپ: پاکستان ویمنز ٹیم کی ہانگ کانگ کے خلاف شاندار کامیابی، سیمی فائنل میں پہنچ گئی
شائع شدہ تاریخ 08 ستمبر, 2026
دبئی میں کھیلے گئے میچ میں پاکستان ویمنز نے پہلے کھیلتے ہوئے مقررہ 20 اوورز میں 8 وکٹ پر 143 رنز بنائے۔
شوال ذوالفقار 47 اور عائشہ ظفر 26 رنز بناکر نمایاں رہیں ۔ کپتان فاطمہ ثنا نے 24 رنز کی ناٹ آؤٹ اننگز کھیلی۔
جواب میں ہانگ کانگ ویمنز کی ٹیم پاکستانی اسپنر نشرہ سندھو کی تباہ کن بولنگ کے سبب صرف 71 رنز پر ڈھیر ہوگئی۔
نشرہ سندھو نے پاکستان ویمنز ٹی ٹوئنٹی کی تاریخ کی بہترین بولنگ کرتےہوئے صرف 7رنز کے عوض 6 وکٹیں حاصل کیں۔
یوں پاکستان ویمنز نے میچ 72 رنز سے جیت کر ایونٹ کے سیمی فائنل کے لیے کوالیفائی کرلیا جہاں اُس کا مقابلہ 11 ستمبر کو سری لنکا ویمنز ٹیم سے ہوگا۔
