لیونل میسی کا ریٹائرمنٹ کے اعلان کے بعد یوٹرن
شائع شدہ تاریخ 16 ستمبر, 2026
غیر ملکی میڈیا رپورٹس کے مطابق ارجنٹینا فٹبال ایسوسی ایشن کی جانب سے اس حوالے سے تصدیق کی گئی ہے کہ لیونل میسی 6 اکتوبر کو بیونس آئرس میں بینن کے خلاف میچ میں ارجنٹینا کی نمائندگی کریں گے اور یہ میچ قومی ٹیم کے لیے ان کا الوداعی میچ ہوگا۔
2026ء کے فیفا ورلڈ کپ فائنل میں ارجنٹینا کو اسپین کے ہاتھوں شکست ہونے کے بعد میسی نے ریٹائرمنٹ کا اعلان کردیا تھا، مگر اب ارجنٹینا کے کوچ لیونل اسکالونی نے بینن کے خلاف میچ کے لیے ابتدائی 26 رکنی اسکواڈ میں اُنہیں ٹیم کا حصہ بنا لیا ہے۔
ارجنٹینا فٹبال ایسوسی ایشن کے مطابق میسی کو قومی ٹیم کی جانب سے اسی انداز میں الوداع کہا جائے گا جس کے وہ حق دار ہیں۔
