وفاقی وزیر تعلیم و پیشہ ورانہ تربیت شفقت محمود نے کہا ہے کہ قائداعظم نے ہندوستان کی اکثریت کی اس سوچ کو جان لیا تھا اسلام آباد : وفاقی وزیر تعلیم و پیشہ ورانہ تربیت شفقت محمود نے کہا ہے کہ قائداعظم نے ہندوستان کی اکثریت کی اس سوچ کو جان لیا تھا کہ وہ اقلیتوں کے ساتھ اپنا رویہ منصفانہ نہیں رکھیں گے ، آج جو کچھ ہندوستان میں ہو رہا ہے وہ جنا ح کی 11 اگست 1947 کی تقریر کو سو فیصد درست ثابت کرتا ہے ، ہندوستان کا سیٹیزن شپ ایکٹ کا بنیادی مقصد مسلمانوں کو ایک کنارے پر رکھنا ہے ، ان خیالات کا اظہار انہوں پاکستان نیشنل کونسل آف آرٹس میں ایک تقریب سے خطاب کرتے ہوئے کیا۔،انہوں نے کہا کہ مسلمانوں کو ہندوستان میں ٹرکوں سے اتار کر قتل کیا جارہا ہے اور پچھلے 6ماہ میں وادی کشمیر کو ایک جیل میں تبدیل کر کے بربریت کی داستان رقم کی جارہی ہے ،قائداعظم کی 11 اگست کی تقریر ہمارے لئے مشعل راہ ہے ،پاکستان میں تمام مذاہب کے لوگوں کو یکساں مذہبی ازادی حاصل ہے ۔