کورونا وائرس سے سب سے زیادہ متاثرہ ملک اٹلی کی ایک نرس نے کورونا وائرس میں مبتلا ہونے کے بعد اپنی زندگی کا خاتمہ کرلیا۔ خودکشی کرنے والی نرس گزشتہ کئی ہفتوں سے کورونا کے مریضوں سے بھرے ہسپتال کے انتہائی نگہداشت والے وارڈ مین خدمات سر انجام دے رہی تھیں اور وہ خود بھی وبا کا شکار بن چکی تھیں جس کے بعد انہوں نے اپنی زندگی کا خاتمہ کرلیا۔ برطانوی اخبار دی ٹیلی گراف نے اپنی رپورٹ میں اٹلی کی نرس فیڈریشن تنظیم نے تصدیق کی کہ 34 سالہ ڈینیلا تریزی نے کورونا وائرس میں مبتلا ہونے کے بعد شدید ذہنی ڈپریشن کی وجہ سے اپنی زندگی کا خاتمہ کیا۔تحریر جاری ہے‎ نرس فیڈریشن کے ایک عہدیدار کا کہنا تھا کہ خودکشی کرنے والی نرس گزشتہ کئی ہفتوں سے کورونا سے سب سے زیادہ متاثرہ علاقے لمبارے کے سب سے مصروف ہسپتال کے انتہائی نگہداشت کے وارڈ میں خدمات سر انجام دے رہی تھیں۔ نرس فیڈریشن کے مطابق زندگی کا خاتمہ کرنے والی نرس مسلسل ہزاروں نئے مریض آنے اور ہسپتال میں یومیہ درجنوں ہلاکتیں دیکھنے کی وجہ سے سخت ذہنی دباؤ کا بھی شکار تھیں، تاہم بعد ازاں وہ خود بھی کورونا کا شکار ہوگئی تھیں۔ خودکشی کرنے والی نرس آئی سی یو میں خدمات سر انجام دے رہی تھیں—فوٹو: دی میٹرو نرس فیڈریشن کا کہنا تھا کہ خودکشی کرنے والی نرس کا خیال تھا کہ اگر وہ زندگی رہیں تو وہ مزید افراد کو بھی کورونا کا شکار کردیں گی، اس لیے انہوں نے شدید ذہنی دباؤ اور مسلسل نئے مریضوں اور لوگوں کے مرتے ہوئے دیکھنے کے بعد خودکشی کی۔