کراچی : پولیس نے الیکشن کمیشن کے احکامات نہ ماننے پرحلیم عادل شیخ کوگرفتار کرلیا ، الیکشن کمیشن نے حلیم عادل شیخ کو حلقہ چھوڑنے کا حکم دیا تھا۔ تفصیلات کے مطابق پی ایس88 میں ضمنی انتخابات کیلئے پولنگ جاری ہے ، اس دوران پی ٹی آئی رہنما حلیم عادل شیخ مسلح محافظوں کے ساتھ حلقے میں گشت کررہے تھے۔ جس کے بعد الیکشن کمیشن نے تاج حیدر کی مسلح افراد کوانتخابی حلقے سے باہرکرنےکی درخواست پر ایکشن لیتے ہوئے حلیم عادل شیخ کو حلقے سے باہر جانے کا حکم دیا۔ الیکشن کمیشن نے کہا کہ قوانین کےتحت پبلک آفس ہولڈر پولنگ اسٹیشنز کا دورہ نہیں کرسکتے، حلیم عادل شیخ صبح 8بجے سے پولنگ اسٹیشنز ز کےدورےکر رہے تھے، وہ ضابطہ اخلاق کی خلاف ورزی کےمرتکب ہوئے۔ ڈی آراوپی ایس 88 کا کہنا تھا کہ تمام پولنگ اسٹیشنز،پولیس کوصورتحال سےآگاہ کردیاگیا ہے۔ پی پی سینٹرل الیکشن سیل کی جانب سے الیکشن کمیشن کوتحریری شکایات کی گئی تھی ، جس میں کہا تھا کہ حلیم عادل شیخ مسلح افراد کے ہمراہ ووٹرز کو ہراساں کررہے ہیں۔ بعد ازاں حلیم عادل شیخ نے پولیس سے تلخ کلامی ہوئی اور انھوں نے حلقے سے جانے سے انکار کیاتھا، جس پر پولیس نے الیکشن کمیشن کے احکامات نہ ماننے پرحلیم عادل شیخ کوگرفتار کرلیا۔