راولپنڈی: پنجاب کے شہر میانوالی کے قریب پاک فضائیہ کا تربیتی طیارہ گر کر تباہ ہوگیا۔ ترجمان پاک فضائیہ کے مطابق پاک فضائیہ کا  طیارہ  تربیتی پروازکے دوران میانوالی کے قریب گر کر تباہ ہوگیا ۔ ترجمان نے بتایا کہ پائلٹ پیرا شوٹ کے ذریعے زمین پر اترنے میں کامیاب رہا، زمین پر کسی جانی و مالی نقصان کی اطلاع نہیں ملی۔ ترجمان پاک فضائیہ  کے مطابق  ائیر ہیڈ کوارٹرز نے انکوائری بورڈ تشکیل دے کر تحقیقات کا حکم دے دیا ہے ۔