اسلام آباد : پاکستان میں کورونا کیسز کی شرح 2 فیصد پر برقرار ہے، ایک روز میں 7 اموات اور 700 سے زائد کیسز سامنے آئے۔ تفصیلات کے مطابق نیشنل کمانڈ اینڈ آپریشن سینٹر نے کورونا وبا کے تازہ ترین اعدادو شمار جاری کردیئے، جس میں بتایا گیا ہے کہ ملک میں 24 گھنٹے میں کورونا سے مزید 7 مریض انتقال کرگئے ، جس کے بعد کورونا سے انتقال کرنے والے افراد کی مجموعی تعداد 30ہزار 272 ہوگئی ہے۔ این سی اوسی کا کہنا ہے کہ چوبیس گھنٹے میں کورونا کےں37 ہزار518  ٹیسٹ کیے گئے، جس میں مزید 756 افراد میں کورونا کی تصدیق ہوئی ، اس دوران ملک میں کورونا کے کیسز مثبت آنے کی شرح 2.10 فیصد رہی۔ https://twitter.com/OfficialNcoc/status/1500638603323523077?cxt=HHwWioCy9fy2q9MpAAAA نیشنل کمانڈ اینڈ آپریشن سینٹر نے بتایا کہ ملک میں کورونا کے  826 مریض انتہائی نگہداشت میں زیرعلاج ہیں جبکہ ملک بھر میں کورونا سے متاثر ہونے والوں کی مجموعی تعداد 15 لاکھ 15 ہزار 014 تک پہنچ گئی ہے۔ اعداد و شمار کے مطابق سندھ میں کورونا کیسز کی تعداد پانچ لاکھ 70 ہزار 261، پنجاب میں 5 لاکھ 02 ہزار844، خیبرپختونخوا میں 2 لاکھ 17 ہزار 187 اور بلوچستان میں 35 ہزار 388 ہے جبکہ اسلام آباد میں ایک لاکھ 34 ہزار 643 ، گلگت بلتستان میں 11 ہزار 577 اور آزاد کشمیر میں 43 ہزار 114کیسز سامنے آچکے ہیں۔