پشاور: وزیراعلیٰ خیبرپختونخوا محمود خان نے وفاق سے اپنے حصے کے واجبات مانگ لئے۔ وزیراعلیٰ کےپی محمود خان کہتے ہیں وفاقی حکومت خیبرپختونخوا کو دیوار سے لگا رہی ہے، ہمارے پاس تنخواہوں کی ادائیگی کے بھی پیسے نہیں، ایکس فاٹا کے فنڈز ملے نہ سیلاب فنڈ کا ایک پیسہ تک دیا گیا۔ اُنہوں نے مطالبہ کرتے ہوئے کہا کہ وفاقی حکومت مالی مسائل پر ہمارے ساتھ بیٹھ کر بات کرلے، حق نہ ملا تو پورے صوبے کے عوام کے ساتھ قومی اسمبلی کے سامنے دھرنا دیں گے۔ دوسری جانب وزیراعلیٰ گلگت بلتستان نے بھی بجٹ میں پچاس فیصد کٹوتی کا الزام عائد کرتے ہوئے کہا خطے کے ساتھ ایسی دشمنی تاریخ میں کبھی نہیں ہوئی، ہمارے پاس آٹے کے پیسے تک نہیں۔وفاقپاکستانوزیر اعلٰی محمود خانواجبات مانگ لئے