وزیراعظم عمران خان سے سعودی آرمی چیف کی ملاقات ہوئی ہے ۔ ملاقات میں وزیراعظم عمران خان نے کہا ہے کہ پاکستان سعودی عرب کے ساتھ تعلقات اور باہمی تعاون کو بہت اہمیت دیتا ہے ، پاکستان اور سعودی عرب میں دفاعی تعلقات مزید مضبوط ہونگے ۔ وزیراعظم آفس کی جانب سے جاری اعلامیہ کے مطابق وزیر اعظم عمران خان اور سعودی آرمی کے چیف آف جنرل سٹاف کی ملاقات میں اہم باہمی امور پر تبادلہ خیال کیا گیا۔ اس موقعے پر وزیراعظم نے کہا کہ پاکستان اور سعودی عرب میں دفاعی تعلقات مزید مضبوط ہونگے۔ پاکستان یمن کے معاملہ کا مذاکرات اور سفارتکاری کے ذریعے حل نکالنے کا حامی ہے۔ یمن کی صورتحال پر وزیر اعظم نے سعودی کردار کی تعریف کی۔ وزیراعظم نے کہا کہ پاکستانی عوام سعودی قیادت کو احترام کی نظر سے دیکھتی ہے۔ سعودی خود مختاری اور علاقائی سالمیت کے لیے پاکستان حمایت جاری رکھے گا۔ ان کا کہنا تھا کہ سعودی پاکستان سپریم کونسل دونوں ممالک کے دو طرفہ تعلقات اور تمام شعبوں میں تعاون بڑھانے کے لیے اہم کردار ادا کرے گی ۔ وزیراعظم عمران خان نے سعودی فرمانروا اور ولی عہد کے لیے نیک خواہشات کا اظہار کیا ۔ سعودی آرمی چیف نے پاک فوج کے پیشہ وارانہ امور کی تعریف کی۔