وزیر اعظم عمران خان آج احساس سیونگ والٹس (احساس بچت بنک اکاؤنٹ) کا اسلام آباد سے آغاز کریں گے۔ یہ پروگرام 70لاکھ گھرانوں کی مالی اور ڈیجیٹل شمولیت احساس پروگرام کے اہم مقاصد میں سے ایک ہے۔ احساس سیونگ والٹس کے ذریعے پسماندہ طبقے سے تعلق رکھنے والی خواتین سود سے پاک قرضوں سے بھرپور فائدہ اٹھا سکیں گی۔ احساس سیونگ والٹس کفالت گھرانوں کے لیے معاشی نقصانات سے بچاؤ، ہنگامی ضروریات کو پورا کرنے اور اپنی آمدنی میں اضافہ کرنے کے لیے سرمایہ کاری کے مواقع فراہم کرے گا۔ اس پروگرام کا مقصد بچت کی حوصلہ افزائی کرنا ہے جس سے غربت کے خاتمے میں مدد ملے گی۔ نیا متعارف کرایا ہوا بچت اکاؤنٹ ”ون ویمن ون بینک اکاؤنٹ پالیسی” کے تحت شروع کردہ مالی شمولیت کو مزید فروغ دے گا۔ اس موقع پر وزیر اعظم کو معاون خصوصی ڈاکٹر ثانیہ نشتر بریفنگ دیں گی اور وزیر اعظم مستحق خواتین سے گفتگو کریں گے۔ ادائیگیوں کے طریقہ کار کا جائزہ لیں گے اور خطاب کریں گے۔