کراچی: نیو کراچی میں قبرستان سے 2 نوعمر لڑکوں کی تشدد زدہ لاشیں ملیں جو تقریباً 6 دن پرانی بتائی جاتی ہیں جبکہ دونوں کی عمریں 12 سے 15 سال کے درمیان بتائی جاتی ہیں،بچوں کی علی رضااوراذان کے نام سے شناخت کر لی گئی۔ تفصیلات کے مطابق نیو کراچی صنعتی ایریا کے علاقے 6 نمبر صدیق آباد قبرستان کے اندر کھودے گئے گڑھے میں 2 لاشوں کی اطلاع پر پولیس موقع پر پہنچ گئی اور جائے وقوعہ سے شواہد محفوظ کرنے کے بعد دونوں لاشوں کو ایدھی ایمبولینسوں کے ذریعے عباسی شہید ہسپتال پہنچادیا، پولیس کے مطابق دونوں بچوں کوتیزدھارآلے سے قتل کیاگیاہے،دونوں بھائی 20 اکتوبرکونیوکراچی سے لاپتہ ہوئے تھے،بچوں کے اغواکامقدمہ نیوکراچی تھانے میں درج کیاگیاتھا۔