لاہور: پاکستان مسلم لیگ ن کی نائب صدر مریم نواز نے برطانوی عدالت کی ابتدائی سماعت کو اپنی جیت قرار دے دیا ہے، انھوں نے کہا لندن عدالت کا فیصلہ ثبوت ہے کہ عدالت ثاقب نثار کی نہیں بلکہ آزاد ہے۔ مسلم لیگ ن کی ترجمان مریم اورنگزیب نے بھی عدالتی ٹرائل سے پہلے ہی فیصلے کو فتح قرار دیا، جب کہ برطانوی عدالت نے ہتک عزت کیس میں باقاعدہ ٹرائل کیے جانے کا فیصلہ دیا ہے. تاہم اس ٹرائل فیصلے کو مریم اورنگزیب نے شہباز شریف کی فتح قرار دے دیا۔ https://twitter.com/DavidRoseUK/status/1357748489502027777 برطانوی عدالت میں ڈیلی میل کی جانب سے شہباز شریف پر الزامات کا اب باقاعدہ ٹرائل ہوگا، ادھر مریم اورنگزیب نے ٹرائل کا فیصلہ آنے کے بعد فوراً ہی شہباز شریف کی رہائی کا مطالبہ کر دیا ہے۔ دریں اثنا، مریم نواز نے ٹویٹ کرتے ہوئے کہا احتساب کیسا اور کیوں شروع کیاگیا، دنیا پر پہلے ہی عیاں ہو چکا تھا، احتساب کی رٹ لگانے والوں کا اپنا یوم احتساب قریب ہے، لگتا ہے برطانوی جج گاڈ فادر فلم دیکھتے ہیں نہ ہی ناول پڑھتے ہیں، نہ وٹس ایپ کا استعمال کرتے ہیں۔