پاکستانی ماڈل و اداکارہ عظمیٰ خان اور ان کی بہن ہما خان پرتشدد کے معاملے پر  نامور فنکاروں کی جانب سے بیانات دیئے جارہے ہیں، اداکارہ ہانیہ عامر کے بعد اداکارہ مہوش حیات اور ماہرہ خان بھی ماڈل عظمی خان کے معاملے پر بول اٹھیں۔ اداکارہ ماہرہ خان نے  لکھا کہ دو بہت ہی مختلف موضوعات پر بحث چل رہی ہے۔ ایک اپنی بیوی کو دھوکا دینے والے شخص کی بے وفائی کا موضوع ہے جس پر کوئی بھی شخص اپنے صحیح ہوش و ہواس میں اس کی حمایت میں کھڑا نہیں ہوسکتا جب کہ دوسرا موضوع ہے کہ کس طرح طاقتور کچھ بھی کرکے صاف نکل جاتا ہے۔ میں ہمیشہ احتساب کے ساتھ کھڑی ہوں توقع کرتی ہوں کہ اس سرزمین پر ہم سب کے ساتھ قانون کے مطابق مساوی سلوک کیا جائے۔ https://twitter.com/TheMahiraKhan/status/1265936878701871105 اداکارہ مہوش حیات نے ٹویٹ میں لکھا کہ اخلاقی اور قانونی مسئلے میں فرق کرتے ہیں۔ دو غلط مل کر کبھی ایک صحیح نہیں ہو سکتے۔اپنے گھر پر سلامتی کا حق قانون میں شامل ایک بنیادی انسانی حق ہے  اور یہ عہدیداروں کے لیے ایک حقیقی امتحان ہے جنہیں یہ ثابت کرنے کی ضرورت ہے کہ کوئی بھی قانون سے بالاتر نہیں ہے۔ https://twitter.com/MehwishHayat/status/1266033115467743234 نیوز اینکر جیسمین منظور نے عظمیٰ خان معاملے پر مہوش حیات سے سوال کیا ہے کہ کیا یہ آپ کا فرض نہیں کہ آپ اپنے ساتھی فنکاروں کے حق میں آواز اٹھائیں کیوں آپ اور آپ کی فنکار برادری خاموش ہے؟ مہوش حیات نے جیسمین منظور  کو جواب دیتے ہوئے کہا لکھا کہ مجھے میرا فرض یاد دلانے کے لیے شکریہ۔ میں نے ہمیشہ اپنی فنکار برادری کی حمایت کی ہے جس کے واضح ثبوت بھی موجود ہیں۔ شاید آپ کو  میڈیا ہاؤسز اور نیوز چینل سے پوچھنا چاہئے کہ وہ کیوں اس خبر کی کوریج کرنے میں ناکام ہوئے؟ اس سے قبل ہانیہ عامر بھی عظمیٰ خان پر تشدد کے معاملے کی ویڈیو پیغام میں شدید الفاظ میں مذمت کرچکی ہیں۔ https://youtu.be/E6e18NeyRjY https://twitter.com/uzmaaaK/status/1265751346965348352