سیالکوٹ میں مشتعل شہریوں کے ہجوم نے توہین مذہب کے الزام میں اسپورٹس ویئر بنانے والی انڈسٹری کے سری لنکن منیجر کو آگ لگا دی۔ واقعہ آج بروز جمعہ 3 دسمبر کی صبح پیش آیا۔ واقعہ سیالکوٹ کے علاقے وزیر آباد روڈ پر پیش آیا جہاں مشتعل شہریوں کی بڑی تعداد نے غیر ملکی منیجر کو پہلے بدترین تشدد کا نشانہ بنایا اور مرنے کے بعد سڑک کے بیچوں بیچ آگ لگا دی۔ واقعے کی ویڈیوز سوشل میڈیا پر وائرل ہورہی ہیں، جس میں ایک جلتی ہوئی لاش کے قریب عوام کے ایک بڑے ہجوم کو کھڑے ہوئے دیکھا جاسکتا ہے۔ سوشل میڈیا پر وائرل کچھ ویڈیوز میں لوگوں کو یہ بھی سنا جا سکتا ہے جس میں وہ یہ دعویٰ کر رہے ہیں کہ وہ فیکٹری کے ورکرز ہیں، جہاں غیر ملکی بحیثیت جنرل مینجر فرائض انجام دے رہا تھا۔ فیکٹری ورکرز کے مطابق انہوں نے جمعہ کے روز دیکھا کہ سری لنکن شہری نے کچھ مقدس اوارق کی توہین کی ہے، جس پر وہاں موجود افراد مشتعل ہوئے اور سری لنکن شہری پر حملہ کردیا۔ کچھ ویڈیوز میں دیکھا گیا ہے کہ مشتعل شہریوں نے سری لنکن شہری کو مارا پیٹا اور اس کے بعد اسے نذرِ آتش کردیا۔ ان ویڈیوز میں اس شخص کی جلتی ہوئی لاش کو دیکھا جاسکتا ہے جس کے اردگرد بڑی تعداد میں لوگ نظر آرہے ہیں۔ سوشل میڈیا پر گردش کرنے والی رپورٹس میں کہا جارہا ہے کہ مشتعل ہجوم کی جانب سے غیر ملکی مینیجر کو نذرِ آتش کرنے کے بعد نعرے بازی بھی کی گئی۔ دوسری جانب واقعہ منظر عامہ پر آنے پر وزیراعلیٰ پنجاب سردار عثمان بزدار نے نوٹس لیتے ہوئے انسپکٹر جنرل ( آئی جی) پولیس سے رپورٹ طلب کرلی ہے۔ واقعے کی اطلاع ملتے ہی پولیس کی نفری بھی جائے وقوعہ پر پہنچ گئی، جب کہ اس واقعہ کے محرکات کی تحقیقات کا بھی آغاز کردیا گیا ہے۔ سوشل میڈیا ٹوئٹس کے مطابق ہلاک کیے گئے شخص کا تعلق سری لنکا سے تھا، تاہم حکام کی جانب سے اب تک اس کی شناخت ظاہر نہیں کی گئی۔ https://twitter.com/ammaralijan/status/1466702158892519429?ref_src=twsrc%5Etfw%7Ctwcamp%5Etweetembed%7Ctwterm%5E1466702158892519429%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Furdu%2Fpakistan%2F2021%2F12%2F2452518%2F سوشل میڈیا پر وائرل ہونے والی کچھ ویڈیوز میں لوگوں کو لبیک یا رسول اللہ کا نعرے لگاتے ہوئے بھی دیکھا جا سکتا ہے۔ صبح سے وائرل ان ویڈیوز میں یہ بھی واضح دیکھا جا سکتا ہے کہ لوگوں کی بڑی تعداد جلتی لاش کے ساتھ ویڈیوز اور تصاویر بناتی نظر آرہی ہے۔ https://twitter.com/MirMAKOfficial/status/1466705148231704577?ref_src=twsrc%5Etfw%7Ctwcamp%5Etweetembed%7Ctwterm%5E1466705148231704577%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Furdu%2Fpakistan%2F2021%2F12%2F2452518%2F https://twitter.com/FarhadJarralPK/status/1466704017871024128?ref_src=twsrc%5Etfw%7Ctwcamp%5Etweetembed%7Ctwterm%5E1466704017871024128%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Furdu%2Fpakistan%2F2021%2F12%2F2452518%2F