فیصل آباد: ڈپٹی کمشنر/ڈائریکٹر جنرل فیصل آباد ڈویلپمنٹ اتھارٹی محمد علی نے ایف ڈی اے کے دفتری امور میں مزید بہتری اور شہریوں کو مختلف شعبوں میں تیزرفتار سروسز ڈلیوی کی فراہمی کے لئے ایف ڈی اے کے بعض افسران وسٹاف کو نئی ذمہ داریاں تقویض کی ہیں۔اس سلسلے میں ڈائریکٹر جنرل ایف ڈی اے کی طرف سے جاری ہونے والے نوٹیفکیشن کے مطابق اسسٹنٹ ڈائریکٹر(فنانس) طارق جاوید فیصل کوآڈٹ سیل جبکہ اسسٹنٹ ڈائریکٹر محمد افضل سے اضافی چارج کی ذمہ داری واپس لے لی گئی ہے۔اسی طرح اسسٹنٹ ڈائریکٹر ٹائون پلاننگ IIمحمد صدیق کومزید ذمہ داریوں کے لئے ڈائریکٹر ٹائون پلاننگ Iکے سپرد کردیا گیا ہے۔اسسٹنٹ ڈائریکٹر ٹائون پلاننگ Iمحمد اسلم ساقی کو ملت ٹائون،گلستان کالونی کا چارج،سینئر بلڈنگ انسپکٹر شوکت جاوید کو علامہ اقبال کالونی کا چارج سونپ دیا گیا ہے۔ کلیم اللہ بلڈنگ انسپکٹر ٹائون پلاننگ IIکو مزید پوسٹنگ کے لئے ڈائریکٹر ٹائون پلاننگ Iکے سپرد،سب انجینئر ہنی شہزاد کو چیف انجینئر کے سپرد،سینئر کلرک(ای ایمI) رانا محمدارشد کو ڈپٹی ڈائریکٹر (لیگل) کے سپرد،جونیئر کلرک محمد عمران کو مزید پوسٹنگ کے لئے ڈائریکٹر(ای ایم II)،جونیئر کلرک رانا محمد شبیر کو ڈائریکٹر(ای یم) کے سپرد،انکروچمنٹ انسپکٹر(اسٹیٹ آفیسر)ثناء اللہ کو آئندہ پوسٹنگ کے لئے پراجیکٹ ڈائریکٹر اورانکروچمنٹ انسپکٹر محمد اسلم کو اسٹیٹ آفیسر کے سپرد کردیا گیا ہے۔