سہولیات کے فراہمی کےلیے 68کروڑ50لاکھ ڈالر کی منطوری دیدی ہے۔ ایشیائی ترقیاتی بینک کے مطابق کرونا وبا کی وجہ سے پاکستان کے شعبہ توانائی میں اصلاحات کی رفتار میں کمی آئی ہے اور اس سلسلے میں گردشی قرضوں کو سپورٹ کرنے، مالی،انتظامی اور تیکنکی اصلاحات کے لئے 30کروڑ ڈالر دیئے جائیں گے جس سے کمرشل،گھریلوں،شہری اور دیہی صارفین کو فائدہ ہوگا۔ اے ڈی بی کے مطابق پاکستان کو توانائی شعبے میں اصلاحات کےلیے 30کروڑ ڈالر جبکہ 38کروڑ 50لاکھ ڈالر خیبرپختونخوا کے پانچ شہروں میں صاف پانی کی فراہمی،صحت اور صفائی ستھرائی کی سہولیات پر خرچ کئے جائیں گے۔ ایشیائی ترقیاتی بینک کے مطابق اربن ڈیویلپمنٹ کے فلیگ شپ منصوبے کے تحت خیبرپختونخوا کیلئے منظور کردہ 38 کروڑ 50 لاکھ ڈالر میں 38 کروڑ ڈالر قرض اور 50 لاکھ ڈالر کی گرانٹ شامل ہے۔ رقم سے خیبرپختوانخوا کے پانچ شہروں ایبٹ آباد، کوہاٹ، مردان، منگورہ اور پشاور میں پینے کے صاف پانی کی فراہمی کے دو پلانٹ لگائے جائیں گے جبکہ اس کے علاوہ سیوریج ٹریٹمنٹ کی تین سہولیات اور متعدد غیر فعال ٹیوب ویلز کی بحالی منصوبے کا حصہ ہے۔ حکام کے مطابق منصوبے پر عملدرآمد سے خیبرپختوانخوا کی 35 لاکھ آبادی کو بنیادی شہری سہولیات میسر ہونگی جس میں ڈیڑھ لاکھ گھرانوں کو پانی کے نئے کنیکشن اور اسمارٹ واٹر میٹر کے تنصیب شامل ہے۔ خیال رہے کہ ایشیائی ترقیاتی بینک احساس پروگرام میں توسیع کیلئے 60 کروڑ 30 لاکھ ڈالر کے فنڈز کی پہلے ہی منظوری دے چکا ہے۔