اسلام آباد: وفاقی وزیر منصوبہ بندی احسن اقبال نے سیاست میں نئی روایت قائم کرتے ہوئے سابق وفاقی وزیر اسد عمر کو الوداعی ڈنر پر مدعو کر لیا۔ میڈیا رپورٹس کے مطابق مسلم لیگ ن رہنما احسن اقبال کی جانب سے تحریک انصاف کے رہنما اسدعمر کو ایک خط لکھا گیا ہے جس میں انہوں نے  کہا ہے کہ سیاسی روایات کے تحت آپ کو الوداعی ڈنر دینا چاہتے ہیں،  وزیر منصوبہ بندی احسن اقبال کا اسد عمر کو بھیجے گئے خط میں کہنا ہے کہ ملاقات میں آپ کی حکومت کی جانب سے عوامی مفاد کے ترقیاتی منصوبوں پر بات ہوگی۔ احسن اقبال نے کہا کہ ملاقات میں آپ کےشروع کردہ منصوبوں کو جاری رکھنے پر گفتگو ہوگی ، امید ہے آپ مثبت جواب دے کر وقت سے آگاہ کریں گے۔