کراچی: ڈائریکٹر جنرل ادارہ ترقیات کراچی آصف اکرام نے سوک سینٹر بلڈنگ میں موجود محکمہ ریکوری کے مختلف شعبہ جات کا دورہ کیا۔ دورے کے دوران ڈی جی کے ڈی اے کو ڈائریکٹر ریکوری رضا قائم خانی نے متعلقہ محکموں کے انتظامی امور پر تفصیلی بریفنگ دی۔ اس موقع پر ڈائریکٹر جنرل کے ڈی اے نے دفتری امور سمیت صفائی ستھرائی پر اطمینان کا اظہار کرتے ہوئے کہا کہ نقشے کے ذریعے شہر بھر میں موجود کے ڈی اے کی مختلف اسکیموں کی واضح نشاندہی کی جائے ۔ لینڈ کے کمپیوٹرائزڈ ریکارڈ کے عمل میں تیزی لائی جائے اور شہر میں موجود کے ڈی اے اراضیوں کی نشاندہی کی جائے۔ کے ڈی اے افسران بشمول ملازمین اپنی ذمہ داریاں احسن طریقے سے ادا کریں۔ محکمہ جاتی افسران غیر ضروری اخراجات میں کمی کریں تاکہ ملازمین کی تنخواہیں، پنشن اور دیگر ادائیگیاں بروقت ممکن ہو سکیں۔ ادارے کو ترقی کی جانب گامزن کرنے کے لئے تمام محکموں کو اپنا مثبت کردار ادا کرنا چاہیے ۔ آفیسرز اور ملازمین کو اپنے عہدے پر برقرار رہنے کے لئے شب و روز کام کرکے کارکردگی دکھانا ہوگی۔ ڈائریکٹر جنرل کے ڈی اے آصف اکرام نے ڈائریکٹر ریکوری کو ہدایت کی کہ اختیارات میں رہتے ہوئے بقایا جات کی وصولی کو یقینی بنایا جائے اور نادہندگان کو نوٹس جاری کئے جائیں جبکہ آمدن میں اضافے کیلئے مزید نئے ذرائع تلاش کئے جائیں۔