سندھ میں اساتذہ کی حاضری کیلئے فیشل ریکگنیشن سسٹم لانے کا فیصلہ
شائع شدہ تاریخ 22 جولائی, 2026
محکمہ تعلیم سندھ میں چہرے کی شناخت سے حاضری نظام متعارف کروانے، غیرحاضر اور مبینہ جعلی ڈگری ملازمین کے خلاف کارروائی کا فیصلہ کیا گیا ہے۔
ذرائع محکمہ تعلیم کے مطابق ہزاروں ملازمین کی پری ریٹائرمنٹ درخواستیں موصول ہوئی ہیں جس کے باعث فنانس ڈویژن کو پریشانی کا سامنا ہے۔
ذرائع نے مزید بتایا کہ 15 ہزار اساتذہ اور غیر تدریسی ملازمین نے قبل از وقت ریٹائرمنٹ کی درخواستیں جمع کروائی ہیں۔
دوسری جانب نیب نے محکمہ تعلیم سندھ سے 1989 سے لیکر 2020 تک کی بھرتی ملازمین کی ڈگریوں کی جانچ شروع کردی ہے۔
