ٹرمپ انتظامیہ کے لیے بڑا جھٹکا، ٹیرف غیرقانونی قرار
شائع شدہ تاریخ 21 فروری, 2026
بین الاقوامی میڈیا رپورٹس کے مطابق سپریم کورٹ نے غیر ملکی تجارتی شراکت داروں پر ٹرمپ کے لگائے گئے ٹیرف کو غیر قانونی قرار دے دیا۔
عدالت نے اپنے فیصلے میں ریمارکس دیے کہ کہ ٹرمپ نے ٹیرف نافذ کر کے اپنے اختیارات سے تجاوز کیا ٹرمپ انتظامیہ کے کئی ٹیرف قانونی جواز کے بغیر تھے اور ٹرمپ نے ٹیرف عائد کرنے کیلئے کانگریس سے منظوری نہیں لی جو لازمی تھی۔
صدر ٹرمپ نے عدالتی فیصلے پر ردعمل میں دعویٰ کیا کہ ٹیرف نے امریکی معیشت کو مضبوط کیا ہے۔
امریکی سپریم کورٹ کے 9 میں سے 6 ججز نے ٹیرف کے خلاف فیصلہ دیا اور فیصلہ سپریم کورٹ کے جج جان رابرٹس نے تحریری کیا۔
ٹرمپ انتظامیہ نے پاکستان سمیت کئی ملکوں پر ٹیرف عائد کئےتھے
غیرملکی میڈیا کا کہنا ہے کہ امریکی سپریم کورٹ کے فیصلےسے حالیہ تجارتی معاہدوں پر بھی اثر پڑ سکتا ہے۔
