مشاہدہ کر رہے ہیں کہ جس کھیل میں بھارت اچھی کارکردگی دکھاتا ہے اسکے قوانین ہی تبدیل کر دیے جاتے ہیں:نریندر بترا ئی دہلی بھارت کی جانب سے دولت مشترکہ گیمز 2022 ءمیں شرکت نہ کرنے کا معاملہ اس وقت مزید شدت اختیار کرگیا جب بھارتی وزارت کھیل سے ان مقابلوں میں شرکت نہ کرنے کی درخواست کردی۔مقامی اخبار کے مطابق انگلینڈ کے شہر برمنگھم میں ہونےوالے دولت مشترکہ گیمز 2022ءسے شوٹنگ ایونٹ کو نکالنے کے معاملے پر بھارت نے گیمز میں شرکت نہ کرنےکی دھمکی دی تھی۔خیال رہے کہ دولت مشترکہ گیمز میں شوٹنگ ایونٹ 1966 ءسے ہر سال منعقد ہوتا رہا ہے تاہم اس سال سہولیات نہ ہونے پر اسے 2022 ءمیں ہونےوالے مقابلوں میں شامل نہیں کیا جائےگا،اس فیصلے کا اعلان گزشتہ برس ہوا تھا تاہم بھارتی شوٹنگ فیڈریشن کی جانب سے کھیلوں کی بائیکاٹ کی تجویز پیش کی گئی تھی۔ انڈین اولمپک ایسوسی ایشن (آئی او اے) کے صدر نریندر بترا نے وزیر کھیل کرن ریجیجو کو خط لکھ کر ملاقات کی خواہش کا اظہار کیا ہے جہاں وہ اپنے فیصلے سے اپنی وزارت کو آگاہ کر سکیں گے۔نریندر بترا نے لکھا کہ ہم دولت مشترکہ گیمز 2022 ءمیں حصہ لے کر اپنا احتجاج ریکارڈ کروائیں گے،انکا مزید کہنا تھا کہ ہم وقت گزرنے کےساتھ اسکا مشاہدہ کر رہے ہیں کہ کھیل کے جس حصے میں بھارت اپنی گرفت مضبوط کرلیتا ہے اور اچھی کارکردگی دکھاتا ہے تو اس کے قوانین ہی تبدیل کر دیے جاتے ہیں،ہمیں لگتا ہے کہ اب وقت آگیا ہے کہ اب ہم سخت سوالات کریں اور سخت موقف اختیار کریں۔نریندر بترا نے خدشہ ظاہر کیا کہ اگر شوٹنگ کا ایونٹ منعقد نہیں ہوتا تو بھارت 2022 ءکے مقابلوں میں 5ویں سے 8ویں نمبر پر ہوگا، آئی او اے کے صدر نریندر بترا اس وقت انٹرنیشنل ہاکی فیڈریشن (ایف آئی ایچ) کے صدر بھی ہیں۔خیال رہے کہ بھارت نے گزشتہ برس ہونےوالے دولت مشترکہ گیمز میں 16 گولڈ میڈلز حاصل کرکے میڈل فہرست میں تیسرے نمبر پر رہا تھا جس میں سے اس نے 7 گولڈ میڈلز شوٹنگ ایونٹ میں حاصل کیے تھے۔