وزیر اعظم عمران خان نے گزشتہ سال جاوید آفریدی اور فیصل آفریدی کو الیکٹرک کار ٹیکنالوجی پاکستان لانے کا کہا تھا، MG Pakistan کی الیکٹرک کار مستقبل میں صارفین کی پہلی پسند ہوگی، جاوید آفریدی سوات:  دنیا بھر میں آلودگی اور فیول کےمسئلے کو حل کرنے والی الیکٹرک کار اب پاکستان میں بھی سڑکوں پر رواں دواں ہوگی ۔ ب رطانیہ سے تعلق رکھنے والی آٹو کمپنی MG اب پاکستان میں بھی مینو فیکچر ہوگی ۔ الیکٹرک چارجنگ سے چلنے والی یہ کار چین اور کئی ممالک میں تہلکہ مچاچکی ہے۔ گزشتہ سال چار مئی کو ایک تقریب میں وزیر اعظم پاکستان عمران خان نے ہائیر پاکستان کے سی ای او جاوید آفریدی اور ان کے بھائی فیصل آفریدی کو مخاطب کرکے کہا تھا کہ مجھے الیکٹرک کار کی پاکستان میں آمد اورمینو فیکچرنگ کا انتظار ہے جس کے بعد پاکستان اور خصوصا لاہور میں آلودگی کا مسئلہ حل ہوجائیگا۔ جاوید آفریدی کی جانب سے سوشل میڈیا پرMG Pakistanکی تصاویرشئیر کرنے کے بعد زبردست رسپانس آمنے آیا ہے ۔MG کے HS ماڈل کی پاکستان میں پہلی ٹیسٹ ڈرائیو سوات کے خوبصورت علاقے میں کی گئی ۔جس پر پاکستانی کار لوورز نے بھی خوشی کا اظہار کیا۔ MG الیکٹرک کار مکمل طور پر الیکٹرک چارچنگ سے چلنے والی کار ہے جو مکمل چارج کے بعد 428کلومیٹر تک ساٹھ کلیومیٹر فی گھنٹہ کے حساب سے مسافت طے کرسکتی ہے ۔