حکومت کا پیٹرولیم مصنوعات مہنگی کرنے کا اعلان
شائع شدہ تاریخ 29 جولائی, 2026
پیٹرولیم ڈویژن نے 29 جولائی کےلیے پیٹرول اور ڈیزل کی قیمت کا نوٹیفکیشن جاری کردیا، نوٹیفکیشن کے مطابق پیٹرول کی قیمت میں ایک روپے 63 پیسے فی لیٹر کا اضافہ کردیا گیا جس کے بعد پیٹرول کی نئی قیمت 335 روپے 81 پیسے فی لیٹر ہوگئی۔
پیٹرولیم ڈویژن کے نوٹیفکیشن کے مطابق ڈیزل کی قیمت میں بھی ایک روپے 55 پیسے فی لیٹر کا اضافہ کیا گیا جس کے بعد ڈیزل کی نئی قیمت 388 روپے 38 پیسے فی لیٹر ہوگئی۔
نوٹیفکیشن کے مطابق مٹی کا تیل 53 پیسے فی لیٹر مہنگا کیا گیا ہے جس کے بعد مٹی کے تیل کی نئی قیمت 303روپے 63 پیسے فی لیٹر ہوگئی ہے۔
یاد رہے کہ حکومت نے گزشتہ روز ڈیزل کی قیمت میں 3 روپے 37 پیسے فی لیٹر اضافے کا اعلان کیا تھا جبکہ پیٹرول کی فی لیٹر قیمت میں ایک روپے کی کمی کی گئی تھی۔
