ایرانی ٹیم شیڈول کے مطابق امریکا میں میچز کھیلے گی، فیفا صدر
شائع شدہ تاریخ 01 اپریل, 2026
ترکیہ میں ایران اور کوسٹاریکا کے درمیان ہونے والے فرینڈلی میچ کے وقفے کے دوران فیفا صدر نے کہا کہ ایران فٹبال ٹیم اپنے گروپ میچز شیڈول کے مطابق امریکا میں کھیلے گی، ایران کی ٹیم 15 جون کو لاس انجلیس سے مہم کا آغاز کرے گی۔
فیفا کے صدر جیانی انفینٹینو کا اس حوالے سے مزید کہنا تھا کہ انہیں خوشی ہے کہ ایران ورلڈ کپ کا حصہ ہے کیونکہ یہ بہت اچھی ٹیم ہے۔
اس سے قبل امریکی صدر ڈونلڈ ٹرمپ نے ایران فٹبال ٹیم کی ورلڈ کپ میں شرکت حوالے سے کہا تھا کہ ان حالات میں ایران کا امریکا میں ورلڈ کپ کھیلنا مناسب نہیں ہوگا۔
دوسری جانب ایران کے سپورٹس منسٹر نے بھی گزشتہ ہفتے ٹیم کو ملک کے مخالف سوچ رکھنے والے ممالک کے سفر سے منع کیا تھا۔
