راولپنڈی: وزیر اعلیٰ پنجاب کی معاون خصوصی اطلاعات فردوس عاشق اعوان نے کہا ہے کہ ہم خطے میں امن اور استحکام کے لیے اپنے شہدا کی قربانیوں کے مقروض ہیں۔ وزیر اعلیٰ پنجاب کی معاون خصوصی اطلاعات فردوس عاشق اعوان نے ڈی جی آئی ایس پی آر سے ملاقات کی۔ ملاقات میں امن و استحکام اور پاک فوج کی دہشت گردی کے خلاف جنگ میں کردار پر تبادلہ خیال کیا گیا۔ ملاقات میں پاک افواج کی دہشت گردی کے خلاف جنگ میں قربانیوں کا اعتراف بھی کیا گیا۔ میجر جنرل بابر افتخار اور معاون خصوصی نے دہشت گردی کو شکست دینے کے عزم کا اعادہ کیا۔ https://twitter.com/Dr_FirdousPTI/status/1358850254871928835 معاون خصوصی فردوس عاشق اعوان نے کہا کہ ہم خطے میں امن اور استحکام کے لیے اپنے شہدا کی قربانیوں کے مقروض ہیں۔