آبنائے ہرمز میں پاسداران انقلاب کا امریکی کشتی تباہ کرنے کا دعویٰ
شائع شدہ تاریخ 11 ستمبر, 2026
ایرانی میڈیا کی جانب سے جاری ویڈیو میں دیکھا جاسکتا ہے کہ انسان کی مدد کے بغیر چلائی جانیوالی کشتی کا ایک حصہ تباہ ہوچکا ہے۔
رپورٹس کے مطابق امریکی فوج کی کشتی کا شناختی نمبر 5838 ہے اور اس کا نام سیل ڈرون ہے۔
پاسدارانِ انقلاب کے مطابق آبنائے ہرمز بند اور ان کے کنٹرول میں ہے، آبی گزرگاہ میں دشمن کی کسی بھی قسم کی موجودگی کو بخشا نہیں جائے گا۔
دوسری جانب برطانوی میری ٹائم ایجنسی کا کہنا ہے کہ خلیج عمان میں 2 بحری جہازوں کو نامعلوم پروجیکٹائل لگنے کی اطلاع ہے، جس کے نتیجے میں ایک بحری جہاز میں آگ لگ گئی۔
برطانوی میری ٹائم ایجنسی نے کہا ہے کہ 4 نامعلوم پروجیکٹائلز کو 2 بحری جہازوں سے ٹکراتے دیکھا گیا۔
دوسرے جہازکی صورتحال فوری طور پر معلوم نہیں ہو سکی، واقعے کی وجوہات اور حملہ آوروں سے متعلق معلومات سامنے نہیں آئیں۔
