پوپ فرانسس نے خاتون کا ہاتھ جھٹکنے پر معافی مانگ لی
شائع شدہ تاریخ 02 جنوری, 2020
کیتھولک مسیحیوں کے روحانی پیشوا پوپ فرانسس نے گزشتہ روز ہونے والے ناخوش گوار واقعے پر معافی مانگ لی ویٹی کن میں نئے سال کی مناسبت سے ایک تقریب کا انعقاد کیا گیا جہاں پوپ فرانسس عقیدت مندوں سے مل رہے تھے کہ اچانک ایک خاتون نے ان کا ہاتھ اپنی طرف کھینچ لیا تھا۔ پوپ فرانسس نے انتہائی ناراضی کا اظہار کرتے ہوئے خاتون کا ہاتھ جھٹک دیا تھا اور اس کے ہاتھ پر ہلکا سا تھپڑ مارتے ہوئے چیخے بھی تھے۔ بین الاقوامی میڈیا کے مطابق پوپ فرانسس نے خاتون کا ہاتھ جھٹکنے پر معذرت کرتے ہوئے اعتراف کیا ہے کہ انہیں بازو سے کھینچے جانے پر غصہ آگیا تھا۔
