پسند کی شادی کا تنازع، بیٹی نے مبینہ طور پر باپ کو قتل کروا دیا
شائع شدہ تاریخ 19 اگست, 2026
پولیس کے مطابق مقتول کی بیٹی اور اس کے آشنا نے قتل کی منصوبہ بندی کی تھی، بیٹی اپنے آشنا کے ساتھ شادی کرنا چاہتی تھی تاہم مقتول اپنی بیٹی کی شادی کے لئے رضا مند نہیں تھا۔
انچارج انویسٹی گیشن کا کہنا ہے کہ مقتول کی بیٹی اور اس کے آشنا نے قتل کا منصوبہ بنایا، بزرگ شہری کو قتل کرنے کے 2لاکھ کے عوض 2 شوٹر ہائر کیے تھے،
ایس پی حسن فاروق گھمن کے مطابق ملزمان نے شہری رحمت علی کو فائرنگ کر کے بےدردی سے قتل کر دیا تھا اور واردات کے بعد ملزمان موقع سے فرار ہو گئے تھے۔
انویسٹی گیشن اور آپریشن ونگ تھانہ شیرا نے مشترکہ کارروائی کرتے ہوئے دونوں مرکزی ملزمان کو گرفتار کر لیا ہے جن سے مزید تفتیش کی جارہی ہے۔
