نالے سے ملنے والی لاش آستانے کے پیر کی نکلی، تحقیقات میں اہم پیش رفت
شائع شدہ تاریخ 16 جولائی, 2026
نالہ لئی سے چند روز قبل ملنے والی بوری بند لاش کی شناخت آستانے کے پیر عباس رضا کے نام سے ہوگئی ہے۔
پولیس ذرائع کے مطابق لاش تھانہ سٹی کی حدود میں قائم آستانے کے پیر عباس رضا کی ہے، جسے مکان پر مبینہ قبضے کی خاطر قتل کیا گیا۔
عباس رضا چٹیاں ہٹیاں کے علاقہ میں موجود ہوتا تھا جس کی کوئی اولاد نہیں ہے۔
ملزمان نے مکان پر قبضہ کرنے کی خاطر عباس کو قتل کرکے لاش نالہ لئی میں پھینک دی تھی، بوری بند لاش گوالمنڈی نالہ لئی سے ملی تھی۔
پولیس حکام کا کہنا ہے کہ قاتلوں کی گرفتاری کے لیے پولیس کے چھاپے جاری ہے۔
