امریکا اور اس کے اتحادیوں نے جنگ بندی کی خلاف ورزی کی ہے، باقر قالیباف
شائع شدہ تاریخ 05 مئی, 2026
اپنے ایک بیان میں باقر قالیباف نے کہا کہ امریکا اور اتحادیوں نے جہاز رانی اور توانائی کی ترسیل کی سلامتی خطرے میں ڈال دی ہے۔
انہوں نے کہا کہ آبنائے ہرمز سے متعلق ایک نئی حکمتِ عملی اب مضبوط ہوتی جا رہی ہے، موجودہ صورتحال کے تسلسل سے امریکا پریشان ہے، جبکہ ہم نے تو ابھی آغاز بھی نہیں کیا۔
علاوہ ازیں ایرانی وزیر خارجہ عبّاس عراقچی نے کہا ہے کہ پاکستان کی کوششوں کے باعث امریکا سے بات چیت میں پیش رفت ہو رہی ہے۔
ایک بیان میں عباس عراقچی نے کہا کہ امریکا کو اپنا برا چاہنے والوں سے محتاط رہنا چاہیے جو امریکا کو پھر سے دلدل میں گھسیٹنا چاہتے ہیں، اسی طرح متحدہ عرب امارات کو بھی محتاط رہنا چاہیے۔
