اسلام آباد: کورونا کی چھٹی لہر میں تیزی، مہلک وائرس مزید 9 جانیں نگل گیا۔ ملک بھر میں 24 گھنٹوں کے دوران کورونا مثبت کیسز کی شرح 4 فیصد کے قریب پہنچ گئی جبکہ ایک دن میں 9 مریض انتقال کر گئے۔ قومی ادارہ برائے صحت (این آئی ایچ) کے مطابق گزشتہ 24 گھنٹوں کے دوران ملک میں کورونا وائرس کی شرح 3.85 فیصد ریکارڈ کی گئی۔ https://twitter.com/NIH_Pakistan/status/1554650258159853568?ref_src=twsrc%5Etfw%7Ctwcamp%5Etweetembed%7Ctwterm%5E1554650258159853568%7Ctwgr%5E89132170e5472d92ed1e7d3f0ff0aae2d764e57d%7Ctwcon%5Es1_&ref_url=https%3A%2F%2Furdu.dunyanews.tv%2Findex.php%2Fur%2FPakistan%2F662178 این آئی ایچ کے مطابق 24 گھنٹوں کے دوران 20 ہزار 949 کووڈ کے ٹیسٹ کیے گئے جن میں سے 806افراد میں وائرس کی تشخیص ہوئی۔ رپورٹ کے مطابق کورونا وائرس میں مبتلا اب بھی 160 مریضوں کی حالت انتہائی تشویشناک ہے۔