اسلام آباد :عالمی وبا کورونا وائرس کی  پانچویں  لہر کے دوران پاکستان میں  گزشتہ 24 گھنٹوں میں  مزید 40مریض انتقال کرگئے، جبکہ گزشتہ 24 گھنٹوں میں  2ہزار870 کیسز  رپورٹ ہوئے ہیں ۔ تفصیلات کے مطابق ملک میں کورونا کے وار جاری ہیں ، نیشنل کمانڈ اینڈ آپریشن سینٹر (این سی او سی) کے مطابق ملک  بھر میں اب تک 29 ہزار 917 کورونا وائرس کے مریض انتقال کر چکے ہیں جبکہ اس  سے متاثرہ افراد کی تعداد 14 لاکھ94 ہزار 293 ہو چکی ہے۔  این سی اوسی کے مطابق ملک میں کورونا فعال کیسز کی تعداد71 ہزار167 ہوگئی، جبکہ کورونا کےمثبت کیسزکی شرح 5.55 فیصد رہی۔  ملک میں گزشتہ 24 گھنٹوں میں کوروناکے51 ہزار677 ٹیسٹ کیے گئے ہیں جبکہ  کورونا کے 1495 مریضوں کی حالت تشویش ناک ہے  ۔  این سی اوسی  کے مطابق گزشتہ24گھنٹوں میں 4 ہزار692 افرادکورونا سے شفایاب ہوئے ،  اب تک 13 لاکھ 93 ہزار209 مریض کورونا سےصحت یاب ہوچکےہیں ۔ واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔