پی آئی اے نے پانچ سال کے وقفے کے بعد مشہد کے لئے پروازیں شروع کردی ہیں۔ ترجمان پی آئی اے کےمطابق قومی ایئرلائن کی پہلی پرواز پی کے 119 165 مسافروں کو لاہور سے لے کر مشہد کے لیے روانہ ہوئی  ترجمان نے بتایا کہ مشہد کی پروازیں پہلے سے شروع کی گئی نجف، بغداد اور دمشق کی پروازوں کے سلسلے کی کڑی ہیں۔ مشہد کی پرواز کے ساتھ ایران جانے والے زائرین کی تمام مقدس مقامات تک رسائی ممکن ہوگئی ہے۔ سی ای او پی آئی اے ارشد ملک نے بتایا کہ مشہد کی پروازیں زائرین کی سہولت کے لئے چلائی جارہی ہیں اور براہ راست پروازیں زائرین کا دیرینہ مطالبہ تھا۔ پی آئی اے کے سی ای او نے مزید کہا کہ پی آئی اے زائرین کو مقدس مقامات تک پہنچانے کے مذہبی فریضہ میں ہمیشہ پیش پیش رہی ہے اور ان پروازوں سے زائرین کو براہ راست اور آسان سفر کی سہولت میسر آگئی ہے۔