وزیر اعظم اور وزیر اعلیٰ ملک کو پولیو فری بنانے کیلئے کوشاں ہیں،طاہر وٹو کا خطاب جھنگ: وزیر اعظم عمران خان اور وزیر اعلیٰ سردار عثمان بزدار وطن عزیز کو پولیو فری بنانے کے لئے کوشاں ہیں۔ ان خیالات کا اظہارڈپٹی کمشنر محمد طاہروٹونے انسداد پولیومہم کی کامیابی کے حوالے سے جائزہ اجلاس کی صدارت کرتے ہوئے کیا۔ اس موقع پرسی ای او ہیلتھ ڈاکٹر محبوب حسنین قریشی سمیت محکمہ صحت کے دیگر افسر بھی موجود تھے ۔ سی ای او ہیلتھ ڈاکٹر محبوب حسنین قریشی نے بتایا انسداد پولیو کی قومی مہم کے دوران ضلع بھر کے پانچ سال تک کی عمر کے 4لاکھ91ہزار125 بچوں کو پولیو کے قطرے پلانے کا ٹارگٹ مقرر کیا گیا تھا جبکہ 4لاکھ97ہزار6سو بچوں کو پولیو سے بچاؤ کے قطرے پلا کر سو فیصد سے زائد کا ہدف حاصل کیا۔ ڈپٹی کمشنر محمد طاہر وٹو نے اس عزم کا اظہار کیا کہ تمام ٹیموں، ایریا انچارجز اور یونین کونسل میڈیکل آفیسرز نے قومی مہم کے دوران اعلیٰ کارکردگی کا مظاہرہ کرکے ہیلتھ ڈیپارٹمنٹ جھنگ کا نام روشن کیا جبکہ دوران مہم والدین،علما کرام،اساتذہ اورتمام طبقات کے گرانقدرتعاون کو نظر انداز نہیں کیا جاسکتا جن سے آئندہ بھی اسی طرح کی ذمہ داری کی توقع ہے ۔