ڈھاڈر میں گیس پائپ لائن متاثر، 5 روز بعد بھی مرمت شروع نہ ہوسکی
شائع شدہ تاریخ 17 اگست, 2026
سوئی سدرن گیس کمپنی حکام کے مطابق کچھی کےعلاقے ڈھاڈر میں 12 اگست کو 18 انچ قطرکی سوئی گیس پائپ لائن دھماکے سے متاثرہوگئی تھی۔
حکام کے مطابق متاثرہ پائپ لائن کی مرمت کے لیے ضلعی انتظامیہ کی جانب سے ابھی تک سیکورٹی کلیرنس نہیں ملی ہے جس کی وجہ سے دھماکےسےمتاثرہ گیس پائپ لائن کی مرمت کاکام پانچ روز گزرنے کے باوجود شروع نہیں ہوسکا۔
مستونگ، قلات، پشین زیارت اور مچ کو گیس کی فراہمی معطل ہونے اور کوئٹہ کے علاقوں سریاب مشرقی بائی پاس اور کچلاک میں پریشر میں کمی اور بندش سے شہریوں کو مشکلات کا سامنا ہے۔
