نیو یارک ۔  امریکا کی ٹیکنالوجی کمپی ٹیسلا کے بانی ایلن مسک اپنے مختلف بیانات کی وجہ سے بہت مشہور ہیں، چند ماہ قبل انہوں نے تجویز دی تھی کہ دنیا بھر میں بدلتے ہوئی ماحولیاتی تبدیلی کے لیے مریخ پر جوہری بم گرانا چاہیے اس سے سیارے کے قطب پر موجود برف پگھل جائے گی۔ مگر اب ان کی اپنی برف بھی پگھل چکی ہے کیونکہ نئے ٹرک کی تقریب رونمائی کے دوران ان کی قابلیت کے پرخچے اڑ گئے۔امریکا کی ٹیکنالوجی کمپی ٹیسلا کے بانی ایلن مسک کو اپنے سائبر ٹرک کی تقریب رونمائی کے دوران شدید شرمندگی کا سامنا کرنا پڑ گیا۔ سائبر ٹرک کی تقریب رونمائی کے دوران ایلن مسک نے شرکاءکو ٹرک کی خصوصیات کے بارے میں آگاہ کیا اور اس کے دروازے پر ہتھوڑے کے وار کر کے اس کے دروازوں کی مضبوطی دکھائی۔اسی دوران ایلن مسک نے ساتھی کو کہا کہ ٹرک کے دروازوں میں نصب آرمر گلاس کی مضبوطی بھی شرکاءکو دکھائیں اور ایک بیس بال گیند جتنے گول لوہے کو اس پرماریں۔ایلن کے ساتھی نے بالکل ایسا ہی کیا مگر یہ فیصلہ درست ثابت نہ ہوا اور ٹرک کے شیشے پر دراڑیں پڑ گئیں۔ٹرک کی تقریب رونمائی کے دوران ایلن مسک نے حیرت کا اظہار کیا اور کہا کہ شاید انہوں نے کچھ زیادہ ہی زور سے گیند کو شیشے پر دے مارا۔ اسکے بعد انہوں نے ٹرک کے پچھلے دروازے کے شیشے پر یہی عمل نسبتاً کم طاقت سے دہرایا لیکن اس بار بھی شیشہ ٹوٹ گیا۔شرمندگی میں ایلن مسک کا کہنا تھا کہ شاید بہتری کی گنجائش موجود ہے۔ اس کے بعد انہوں نے اپنی پوری پریزنٹیشن ٹوٹے ہوئے شیشوں کے سامنے کھڑے ہو کر مکمل کی۔ اس ٹرک کی جانچ کے دوران انہوں نے اس پر رینچ سمیت سب کچھ مارا اور یہاں تک کہ کچن کا سِنک بھی اس کے شیشے پر مارا مگر یہ نہیں ٹوٹا لیکن یہاں رونمائی میں نامعلوم وجوہ کی بنا پر یہ ٹوٹ گیا۔یاد رہے کہ اس رونمائی کی تقریب ٹیسلا کے یوٹیوب اکاو¿نٹ پر براہ راست دکھائی گئی تھی مگر تقریب کے 30 سیکنڈ بعد ہی ٹیسلا نے اس ویڈیو کو ہٹا دیا۔