لندن : ملکہ برطانیہ الزبتھ دوم کورونا وائرس کا شکار ہوگئیں ہیں۔ غیر ملکی خبر رساں ادارے کے مطابق ملکہ برطانیہ الزبتھ دوم  کا کورونا ٹیسٹ مثبت آگیا ہے۔ بکنگھم پیلس کی جانب سے جاری بیان میں کہا گیا ہے کہ ملکہ الزبتھ زکام جیسی معمولی علامات محسوس کر رہی ہیں اور  کورونا کی وجہ سے  ملکہ رواں ہفتے اپنی رہائش گاہ سے ہی کام جاری رکھیں گی۔ بکنگھم پیلس کے مطابق ان کی طبی نگہداشت کی جا رہی ہے اور وہ تمام مناسب ہدایات پر عمل کریں گی۔ خیال رہے کہ  ملکہ برطانیہ الزبتھ دوم کی عمر 95 سال ہے۔ چند روز قبل ہی ملکہ الزبتھ نے اعلان کیا تھا کہ ان کے بعد شہزادہ چارلس بادشاہ اور ان کی اہلیہ کمیلا پارکر ملکہ برطانیہ ہوں گی۔