عمراکمل پر 3 سالہ پابندی کے خلاف اپیل کی سماعت 11 جون کو ہوگی جس میں فیصلہ ہوگا کہ ان کی سزا کم ہوگی يا برقرار رہے گی۔ جسٹس ریٹائرڈ فقیرمحمد کھوکھر عمراکمل فکسنگ کیس کی سماعت کریں گے۔ پی سی بی اورعمراکمل کو نوٹسز جاری کردئیے گئے ہيں۔ یہ بھی پڑھیں: 20جون تا 20جولائی:ٹڈی دل کے شدید حملوں کا خطرہ عمراکمل پراینٹی کرپشن کوڈ کی 2 شقوں کی خلاف ورزی کا الزام ہے۔ عمراکمل کواينٹی کرپشن کوڈ کی خلاف ورزی پر پاکستان سپر لیگ سیزن 5 سے چند گھنٹے قبل معطل کيا گيا تھا۔ عمر اکمل نے بکی سے ملاقات اور معلومات چھپانے کا اعتراف کيا تھا جس کے بعد ڈسپلنری پينل نے ان پر3 سال کی پابندی عائد کی تھی جس کے خلاف عمراکمل نے اپيل دائر کی تھی۔