ریاض :سعودی عرب کی سول ایوی ایشن اتھارٹی نے رواں سال حج پر آنے والی خواتین سے متعلق نیا حکم نامہ جاری کردیا ہے۔ تفصیلات کے مطابق نئے حکم نامے میں سعودی عرب نے حج پر آنے والی خواتین کے لیے محرم کے قانون پر سختی سے عملدرآمد کا فیصلہ کیا ہے۔ سعودی سول ایوی ایشن اتھارٹی کی جانب سے جاری کردہ نئے حکم نامے میں 45 سال سے کم عمر خواتین کیلئے حج پر آنے کے لیے محرم لازمی قرار دیا گیا ہے۔ سعودی سول ایوی ایشن اتھارٹی کے مطابق حکم نامے پر عمل درآمد نہ کرنے پر 45 سال سے کم عمرخاتون کو محرم کے بغیر سعودی عرب پہنچنے پر فوری بے دخل کردیا جائے گا۔ جنرل اتھارٹی آف سول ایوی ایشن اتھارٹی  نے حکم نامے کا  باضابطہ نوٹیفکیشن  بھی جاری کردیا ہے۔   نوٹیفکیشن میں   تمام ائیر لائنز کو  نئے ہدایت نامہ پر سختی سے عملدرآمد کرنے کی ہدایت کی گئی ہے ۔