پاکستان میں 11 سال بعد انٹرنیشنل کرکٹ میچز کھیلنے کے لیے آئی سری لنکن کرکٹ ٹیم کامیاب دورے کے بعد وطن واپس لوٹ گئی۔ پاکستان میں دوٹیسٹ میچز کی سیریز کھیلنے کے بعد سری لنکن کرکٹ ٹیم کی وطن واپسی، مہمان ٹیم کراچی سے براستہ دبئی کولمبو روانہ ہوئی، سری لنکا نے راولپنڈی اور کراچی میں دو ٹیسٹ سیریز کھیلی۔ روانگی سےقبل سری لنکن کھلاڑیوں نے سوشل میڈیا پر پاکستانیوں کی شاندار میزبانی اور فول پروف سیکیورٹی کی تعریف کی، کپتان دیموتھ کرونا رتنے نے ٹوئٹ کیا کہ انہیں فخر ہےکہ کس طرح سیکیورٹی اہلکاروں اورایس ایس جی کمانڈوز نے ان کی دیکھ بھال کی۔ https://twitter.com/Angelo69Mathews/status/1209283692176138241 سری لنکن کپتان دیموتھ کرونا رتنے نے کہا کہ پاکستان کرکٹ کے لیے بالکل محفوظ ملک ہے۔ سابق کپتان اینجلومیتھیوز نے ٹوئٹ کیا کہ سری لنکن کھلاڑیوں نے پاکستان میں خود کو بالکل محفوظ سمجھا. آئی لینڈرز نےایک دہائی بعد پاکستان میں ٹیسٹ کرکٹ کی بحالی میں اہم کردار ادا کیا، سری لنکا کو پاکستان کے خلاف ٹیسٹ سیریز میں ایک صفر سے شکست ہوئی۔