سوشل ميڈيا پر چلنے والی مبينہ آڈيو کو سابق چیف جسٹس ثاقب نثار نے جعلی قرار دے دیا۔ ؎ سوشل میڈیا پر زیرگردش آڈیو خود ساختہ ہے، کسی سے اس طرح کی کوئی بات نہيں کی، نہ کسی نے ہدايات ديں، ايجنڈے کے تحت ایسی باتيں لائی جارہی ہيں۔ سابق چیف جسٹس ثاقب نثار کا ایک مبینہ آڈیو کلپ سوشل میڈیا پر تیزی سے وائرل ہورہا ہے، جس میں کہا جارہا ہے کہ عمران خان کی جگہ بنانے کیلئے نواز شریف کو سزا دینی ہوگی، مریم نواز کو بھی سزا دینی ہوگی۔ سابق چیف جسٹس آف پاکستان جسٹس ثاقب نثار نے خود سے منسوب آڈیو ٹیپ کو جعلی قرار دے دیدیا۔ انہوں نے سختی سے اس آڈیو کی تردید کرتے ہوئے کہا کہ یہ خود ساختہ آڈیو ہے، کسی سے اس طرح کی کوئی بات نہيں کی۔ جسٹس (ر) ثاقب نثار کا مزید کہنا تھا کہ کسی نے ہدايات ديں نہ کی کو پاس آن کيں، کسی خاص ايجنڈے کے تحت ایسی باتيں لائی جارہی ہيں، قانونی راستہ اختیار کرنے کا سوچ رہا ہوں۔ واضح رہے کہ چند روز قبل گلگت بلتستان کے چیف جج جسٹس رانا شمیم نے بھی اپنے حلفیہ بیان میں سابق چیف جسٹس سپریم کورٹ پاکستان جسٹس ثاقب نثار پر سنگین الزامات لگائے تھے۔ https://twitter.com/fawadchaudhry/status/1462723186777374724?ref_src=twsrc%5Etfw%7Ctwcamp%5Etweetembed%7Ctwterm%5E1462723186777374724%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Furdu%2Fpakistan%2F2021%2F11%2F2441473%2F دوسری جانب وفاقی وزیر اطلاعات فواد چوہدری نے ایک ویڈیو پوسٹ کرکے کہا ہے کہ لگتا ہے ججوں کیخلاف مہم کی تیاری ذرا جلدی میں کی گئی، اس مذموم مہم کے پیچھے سارے کردار سامنے ہیں، اُمید ہے اس معاملے میں عدالتیں نرم رویہ اختیار نہیں کریں گی اور اس توہین آمیز مہم کو منطقی انجام تک پہنچایا جائے گا۔