تہران: ایران کے دارالحکومت تہران میں ایک مسافر طیارہ گر کر تباہ ہو گیا ہے، جس میں 180 مسافر سوار تھے۔ تفصیلات کے مطابق ایرانی سرکاری ٹی وی نے خبر دی ہے کہ تہران میں یوکرین کا مسافر طیارہ خمینی ایئرپورٹ سے ٹیک آف کے بعد ہی گر کر تباہ ہوا، حادثے کے شکار طیارے میں 180 مسافر اور عملے کے ارکان سوار تھے۔ ایرانی سرکاری ٹی وی کا یہ بھی کہنا ہے کہ یوکرین کا بوئنگ 737 مسافر طیارہ فنی خرابی کے باعث ایئرپورٹ کے قریب گر کر تباہ ہوا ہے۔ابتدائی خبروں کے مطابق طیارے میں سوار مسافروں سے متعلق کوئی اطلاع نہیں ہے، ریسکیو ٹیمیں جائے وقوع پہنچ رہی ہیں۔