ڈی آئی خان میں دہشت گردوں کا حملہ ناکام، ایک اہلکار شہید، دو زخمی
شائع شدہ تاریخ 18 فروری, 2026
پولیس ذرائع کے مطابق حملہ آوروں نے پہلے نہتے شہریوں کو نشانہ بنایا اور پھر گھات لگا کر پولیس پر بھی فائرنگ شروع کر دی۔
اطلاع ملتے ہی پولیس کی کوئیک رسپانس ٹیم موقع پر پہنچ گئی اور بھرپور جوابی کارروائی کی۔
شدید مقابلے کے دوران ایک پولیس اہلکار شہید جبکہ دو زخمی ہو گئے۔ زخمیوں کو فوری طور پر طبی امداد فراہم کی جا رہی ہے۔ پولیس کے مؤثر ردعمل کے باعث حملہ آور فرار ہونے پر مجبور ہو گئے۔
واقعے کے بعد شہر میں سیکیورٹی ہائی الرٹ کر دی گئی ہے اور بھاری نفری تعینات کر کے علاقے کو گھیرے میں لے لیا گیا ہے۔
سرچ آپریشن جاری ہے تاکہ ملوث عناصر کو گرفتار کیا جا سکے۔
حکام کا کہنا ہے کہ شہریوں کے تحفظ کے لیے تمام ممکنہ اقدامات کیے جا رہے ہیں اور صورتحال مکمل طور پر کنٹرول میں ہے۔
