پی ایس ایل میں آج پنک ڈے، بریسٹ کینسر آگاہی مہم کا حصہ
شائع شدہ تاریخ 16 اپریل, 2026
تفصیلات کے مطابق آج نیشنل بینک اسٹیڈیم میں ٹورنامنٹ کا چھٹا ڈبل ہیڈر کھیلا جارہا ہے جس کے پہلے میچ میں حیدرآباد کنگز مین اور راولپنڈیز جبکہ دوسرے میچ میں کراچی کنگز اور اسلام آباد یونائیٹڈ مدمقابل ہوں گے۔
تمام کھلاڑی اور آفیشلز پنک کیپس اور پنک ربنز پہنیں گے اور تمام کرکٹرز بریسٹ کینسر آگاہی مہم کا حصہ بنیں گے۔
پاکستان ویمنز کرکٹ ٹیم کی کپتان فاطمہ ثناء، کھلاڑی سیدہ عروب شاہ، رامین شمیم اور منیبہ علی کو بھی آگاہی مہم کے لیے اسٹیڈیم مدعو کیا گیا ہے۔
واضح رہے کہ پاکستان میں سب سے زیادہ شرح بریسٹ کینسر کی ہے، آگاہی مہم کا ایک اہم پیغام جلد سے جلد چیک اپ اور بیماری سے ثابت قدم ہو کر لڑنا ہے۔
