پتوکی میں دوست نے مبینہ طور پر گردہ نکال کر فروخت کر دیا
شائع شدہ تاریخ 22 جولائی, 2026
پولیس کے مطابق رحمت کو اس کے دوست رضا نے 26 جون کو مبینہ طور پر اغوا کیا، واقعہ پرانی منڈی کے علاقے میں پیش آیا۔
پولیس کا کہنا ہے کہ راولپنڈی لے جاکر رحمت کو نشہ آور مشروب پلایا گیا اور ملزمان نے بے ہوشی کی حالت میں اس کا گردہ نکال کر فروخت کردیا، نوجوان نے ہوش میں آنے کے بعد الٹرا ساؤنڈ کروایا تو اسے اپنا گردہ غائب ہونے کا علم ہوا۔
پولیس نے متاثرہ شہری رحمت کی درخواست پر مقدمہ درج کر کے ملزمان کی گرفتاری کے لیے کارروائیاں شروع کر دی ہیں۔
