فضائی آلودگی میں اضافے پر کارروائی — لاہور کی مارکیٹوں کے نئے اوقات جاری
شائع شدہ تاریخ 05 نومبر, 2025
ضلعی انتظامیہ نے مارکیٹوں کے اوقات کارکی پابندی کے لیے اسسٹنٹ کمشنرز کو مراسلہ جاری کردیا۔
مراسلے میں ضلعی انتظامیہ کی جانب سے اسسٹنٹ کمشنرز کو روزانہ کی بنیاد پر عمل درآمد رپورٹ جمع کرانےکا حکم دیا گیا ہے۔
ضلعی انتظامیہ کے مطابق اسموگ کے تدارک کے لیے مارکیٹس رات 10 بجے بند ہوں گی اور لاہورکے تمام ریسٹورنٹس رات 11 بجے بند ہوجائیں گے۔
ضلعی انتظامیہ کا کہنا ہےکہ نئے اوقات کار پر پابندی لازم ہے، خلاف ورزی پر سخت کارروائی ہوگی۔
